Наурызнама мерекесі мектепалды тобының балаларымен ұлттық стильде робототехника бойынша жарыстар ұйымдастырылды.

Балалар қызығушылықпен қатысып, Botley роботының көмегімен асықпен «футбол» ойынын ойнады.
Балалар роботты бағдарлап, оны мақсатқа жетелеп, асықты қақпаға түсіруге тырысты. Мұндай іс-шара тек балаларға қуаныш пен қызығушылық сыйлап қана қоймай, логикалық ойлау, бағдарламалау дағдылары мен командалық жұмыс қабілеттерін дамытуға да септігін тигізді. Жарыстар көңілді әрі танымды өтті, балаларға көп жағымды эмоциялар сыйлады.